අං තුනක් සහිත පැරණි ජිරාෆයෙක් ස්පාඤ්ඤයෙන්

වත්මන් ජිරාෆයන්ට බොහෝ සෙයින් සමාන ස්වරූපයක් සහිත අං තුනක් ඇති සත්ත්ව ෆොසිලයක් මධ්‍යම ස්පාඤ්ඤයෙන් හමුවී ඇතැයි පුරාවිද්‍යාඥයෝ පිරිසක් කියති. මේ ෆොසිලය ඉතා හොඳින් ආරක්ෂා වී තිබූ බවත් එහි දත් සහ හිසෙයි අං තුනක් දක්නට ලැබෙන බවත් ඔවුන් පවසයි. ඉන් එක් අඟක් ටී හැඩයෙන් යුක්තය. විද්‍යාඥයෝ මේ පුරාණ ජිරාෆයා ක්සෙනොකෙරික්ස් ඇමිඩාලේ ලෙස නම්කැර ඇත.

අසාමාන්‍ය පෙනුමකින් යුතු මේ සත්ත්වයා උතුරු ඇමෙරිකාවේ විසූ අතීත ජිරාෆයන්ට වඩා වෙනස් බවත් එය පරික්ෂණවල දී යම් පමණක අභියෝගයක් බවත් විද්‍යාඥයෝ කියති. පරිසර සාධක මත මේ සත්ත්වයා වෙනස් ලෙස පරිනාමය වන්නට ඇතැයි ඔවුහු සැකපළ කරති.

අවසන් වසර ලක්ෂ 400 දී මිහිතලය මත ශාකභක්ෂකයන්ගේ විවිධත්වය අති විශාල වූ බව ද ඔවුන් පෙන්වා දෙයි. අං තුනක් සහිත ජිරාෆයන් මයෝසින යුගයේ දි ස්පාඤ්ඤයේ සහ චිනය දක්වා විවිධ ප්‍රදේශයන්හි පැතිර සිටින්නට ඇතැයි ද ඔවුහු කියති.

පර්යේෂණ කණ්ඩායමේ නායක ආචාර්ය ඊශ්‍රායෙල් සන්චෙස් සහ මැඩ්රිඩ් පවසන්නේ මේ ජිරාෆයාගේ ෆොසිලය ඉතා හොඳින් ආරක්ෂා වී තිබූ බවයි. එය හොඳින් අධ්‍යයනය කිරීමට අවස්ථාව ලැබුණු බව ද ඔවුහු කියති.

‘‘හිස් කබල ඉතා හොඳ තත්ත්වයේ තිබුණා. එහි දත් මෙන්ම අං තුනක් දක්නට ලැබුණා. ඉන් එක් අඟක් ටී හැඩය ගත්තා. මයොසීන යුගයේ මොවුන් යුරෝ ඒෂියා පුරා පැතිර සිටින්නට ඇත. ඔවුන් ආසියාවේ පකිස්ථානයට දක්වාම පැතිර සිටින්නට ඇති. “

87039529_87039528-Copy xcv

lankadeepa