මොබිටෙල් – හච් ගනුදෙනුව සිදුවන්නේ මෙහෙමයි

ශ්‍රී ලංකා ටෙලිකොම් පීඑල්සී හි පූර්ණ අනුබද්ධ සමාගමක් වන ශ්‍රී ලංකා ටෙලිකොම් මොබිටෙල් විසින් මෙරට තවත් ජංගම දුරකතන සේවා සපයන්නෙකු වන හච් සමාගම මිල දී ගැනීම හා සම්බන්ධ කටයුතු මේ වන විට සිදුවෙමින් පවතින බව ශ්‍රී ලංකා ටෙලිකොම් සභාපති කුමාරසිංහ සිරිසේන මහතා පැවසීය. අද දෙරණ Biz කළ විමසීමකට ප්‍රතිචාර දක්වමින් ටෙලිකොම් සභාපතිවරයා මේ බව අනාවරණය කරන ලදී.

“මේ කාර්යය ආරම්භ කළේ 2012 වර්ෂයේ දී. 2012 සිට මේ දක්වා අවස්ථා ගණනාවක දී මේ සඳහා අවශ්‍ය කටයුතු සිදුවෙමින් පවතිනවා. මෑත කාලීනව මේ සඳහා අවශ්‍ය පසුබිම සකස් කිරීම සඳහා කැබිනට් මණ්ඩලය විසින් විශේෂ කැබිනට් කමිටුවකට යොමුකර තිබෙනවා. එම කමිටුව විසින් මේ දිනවල ඒ සඳහා අවශ්‍ය කටයුතු ඉටුකරමින් පවතිනවා“, යැයි ශ්‍රී ලංකා ටෙලිකොම් සභාපති කුමාරසිංහ සිරිසේන මහතා මෙහිදී කියා සිටියේය.

මෙහිදී වැඩිදුරටත් අදහස් දැක්වූ සභාපතිවරයා, “ඇත්ත වශයෙන්ම ඒ සංඛ්‍යාත අපිට අත්‍යාවශ්‍යයි. ඉදිරි කාලයේ දී ඉතාමත්ම විනිවිදභාවයකින්, කිසිදු පාර්ශවයකට කිසිදු ආකාරයක වෙනත් දෙයක් නිර්මාණය නොවන පරිදි, 2012 දී ආරම්භ කළා මෙන් නොව, 2016 දී ඉතාම පිරිසිදුව මේ කටයුත්ත කෙරෙන බව ඉතා වගකීමෙන් කියා සිටිනවා“, යැයි පැවසීය.

8

biz.adaderana