ට්‍රිලියන තුනක ලංකා කළු සල්ලි එතෙර ගිහින්

පසුගිය දස වසරේදී දූෂිත දේශපාලනඥයන් ව්‍යාපාරිකයන් හා අපරාධකරුවන් ඇමරිකා ඩොලර් කෝටි 2000ක් පමණ දූෂිත මුදල් ශ්‍රී ලංකාවෙන් එතෙර යවා ඇතැයි ඇමරිකාවේ වොෂිංටන් නුවර ග්ලෝබල් ෆිනෑන්ෂල් ඉන්ටග්‍රිටි ආයතනය කියයි.

එම මුදල ට්‍රිලියන තුනකට සමීප වෙතියි එම ආයතනය පවසයි. ඇමරිකාවේ ට්‍රිලියනයට බිංදු 18කි. 2004 සිට 2013 දක්වා මෙම මුදල් ශ්‍රී ලංකාවෙන් හොරෙන් යවා ඇති බව වාර්තාවේ.

2004 අප්‍රේල් මාසයෙන් පසුව ඇමරිකා ඩොලර් බිලියන 1.38 ක් ශ්‍රී ලංකාවෙන් හොරෙන් යවා ඇත. වොෂිංටන් ග්ලෝබල් ෆිනෑන්ෂල් ඉන්ටග්‍රිටි ආයතනය එවැනි දූෂිත හොර සල්ලි රට රටවලින් යැවෙන ආකාර නිරීක්ෂණ ආයතනයකි. හොර වෙළඳ ගනුදෙනු මගින් ශ්‍රී ලංකාවට ඇමරිකා ඩොලර් බිලියන 17ක් අහිමි වී ඇත.

කොළොම්බියාවේ හෙරොයින් මත්කුඩු වලින් ලබාගන්නා බව කියන ඇමරිකා ඩොලර් බිලියන 15ක් ද එතෙර යවා ඇත. පැනමා හි මොසැක් ෆොන්සේකා සමාගමේ ගනුදෙනු තරමටම ශ්‍රී ලංකා හොර ගනුදෙනු ද බරපතල බව කියති.

කළු සල්ලිවලට නමක් ඇති කුප්‍රකට රටවල් 149 න් ශ්‍රී ලංකාව 53 වැනි ස්ථානය හිමිකරගෙන සිටින බවද වොෂිංටන් සමාගම පවසයි.

xe