සමාව නොගතහොත් නීතිඥවරයා දොට්ට දානවා-අධිකරණ ඇමති

නීතිඥ ලක්ෂාන් ඩයස් විසින් පැය 24 ක් ඇතුළත රටේ ජනතාවගෙන් ප්‍රසිද්ධියේ සමාව ගත යුතු බව අධිකරණ හා බුද්ධශාසන අමාත්‍ය, අචාර්ය විජයදාස රාජපක්ෂ මහතා පවසයි.

ක්‍රිස්තියානි ආගමික ස්ථාන 166ට හාමුදුරුවරුන් විසින් පහරදී ඇති බවට ටී.වී දෙරණ ආයතනයේ ‘අලුත් පාර්ලිමේන්තුව‘ වැඩසටහනට එක්වෙමින් නීතිඥ ලක්ෂාන් ඩයස් විසින් ප්‍රකාශ කළ බවත්, ඒ සම්බන්ධයෙන් තමන් අගරදගුරු කාදිනල් මැල්කම් රංජිත් හිමිපාණන්ගෙන් විමසා සිටි බවත්, එහිදී එවන් ප්‍රහාරයක් සිදුනොවූ බවට අගරදගුරු හිමියන් අවධාරණය කළ බවත් අමාත්‍යවරයා කියා සිටියේය.

ඒ අනුව එවන් අසත්‍ය ප්‍රකාශ සිදුකිරීම සම්බන්ධයෙන් නීතිඥවරයා සමාව ගත යුතු බවත්, එම වගකීම ඉටුනොකළහොත් ඔහු නීතිඥ වෘත්තියෙන් නෙරපා හැරීමට ලබන සඳුදා වන විට අවශ්‍ය පියවර ගන්නා බව රාජපක්ෂ මහතා අවධාරණය කළේය.

කිලිනොච්චියේ මාන්කුලම් ප්‍රදේශයේ  නව අධිකරණ සංකීර්ණය විවෘත කිරීමේ අවස්ථාවට එක්වෙමින් අද (17) අමාත්‍යවරයා වැඩිදුරටත් කියා සිටියේ ජාතීන් අතර අසමගිය වර්ධනය වන අන්දමේ හා වෛරය ඇතිකිරීමේ ප්‍රකාශ තරයේ ප්‍රතික්ෂේප කරන බවයි.

පුරවැසියන් ලෙස එකට එකතුවී කටයුතු කළ යුතුව ඇති බවත්, සියලුම දෙනාගේ අයිතිවාසිකම් ආරක්ෂා වන අන්දමට ක්‍රියා කළ යුතුව ඇති බවත් අමාත්‍යවරයා වැඩිදුරටත් සඳහන් කළේය.

සිංහල බෞද්ධ විරෝධී NGO බත් බැලයන්ට එරෙහිව විජේදාස කෙවිට අතට ගන…

සිංහල බෞද්ධ විරෝධී NGO බත් බැලයන්ට එරෙහිව විජේදාස කෙවිට අතට ගනී..!කතෝලික පල්ලි කැඩුවා කියලා සිංහල බෞද්ධයන්ට අසත්‍ය චෝදනා කරපු නීතීඥ ලක්ෂාන් ඩයස් පැය 24ක් ඇතුලත සමාව ගත්තෙ නැත්තං වෘත්තියෙන් නෙරපා හරිනවා..!!!

Posted by සිංහපුතුන් on Saturday, June 17, 2017

ලක්ෂාන් ඩයස් නමැති පුද්ගලයා රටම නොමග යවමින් සිදුකළ කූට ප්‍රකාශය පහතින්